Polly & Fai @ Prewedding

N 世都無update 過呢邊喇… 今日的起心肝,寫返篇尋晚剛剛執起的相。之後如果有閒情應該會補返晒之前一直miss 左既野 XDD

話說係某個風和日麗既日子,我地去左東壩影相。呢個地方雖然麻煩d,但好天既時候黎,真係無敵。

最近家中有點事,加上做野,變左進度慢左好多。但呢個月我會開 Turbo,務求係11月頭或之前就搞掂晒所有9月份既相片!

唔多講,都係簡簡單單自然色系,除左一張之外全部都係直出。

最尾分享兩張風景相,一張東壩景,一張係日落。:)

柴犬成長日記 - 轉糧

呢排忙於好多 admin 當中走唔甩,想寫篇野同各位狗友分享下,雖然唔係乜超級新鮮野。

話說我屋企隻柴犬 Bambi 成為我地屋企成員都有差唔多兩年了。

係呢兩年間,都真係唔錯唔錯。佢由一開始黎到屋企,會到處搞破壞,有時會係屋企亂咁大小便,變到而家非常之咁乖,自己去完廁所仲會「想」幫手執走塊尿布… 真係會成塊咬起跟住摺到亂晒龍咁放埋一邊,但係咪幫手真係見仁見智。

因為 Bambi 係經朋友介紹領養返黎的,所以佢黎左之後我都無特別幫佢轉糧,佢上手到而家都一直係食緊 Royal Canin Mini Adult 糧。

一向我都知 Royal Canin 的糧唔係太好,太多難消化既野同埋太油﹑有味精之類,但見佢食得好地地就廢事搞。尋日忽然唔知做乜事,不停睇同搵資料,最後都係決定幫佢轉糧。

狗隻可唔可以食 grain 同埋而家狗算係肉食定係雜食動物,網上太多似是而非的爭拋,但因為柴犬本身係一隻原始種,佢既品種性質同千幾年前分別唔大,加上非常接狼既血統,所以我當佢所有野都係比較原始。

最後揀左一隻 紐西蘭出口的 Ziwipeak,係天然風乾肉,買左隻鹿肉味。佢既介紹,我唔寫了,因為搵親資料都係上官網抄既,咁做乜唔直接去睇 官方網頁

有人話太多蛋白質對狗仔的腎藏唔好同埋蛋白質係主要的過敏原。呢到太多爭拗,台灣﹑香港﹑大陸甚至鬼佬們都有好多唔同見解,有科學有迷信。

但我就覺得狗仔食齋同埋牛食牛呢兩樣野係一樣咁滑稽。

Bambi 同埋袋 1kg 新糧食~

佢唔係一般用肉粉等等左壓右榨既乾糧… 係就咁風乾既肉乾,所以係一片片,有人唔夠彊當佢係主食,只係買黎當snacks。隻糧過左 NZ 政府既test 話係人類可直接食用級別,但作為一個人我係唔會食狗糧的,仲要係生鹿肉!XDD

其實,我都仲諗緊係咪轉,因為真係需要好大既勇氣。

呢一隻糧,對狗仔既身體好又夠天然。不過,佢對主人既銀包構成嚴重的威脅。

我一直都覺得呢d 野行貨水貨無分別,因為都係果d 野。不過最近強國咁多份子料理輸入香港,加上佢本身個包裝實在太易假冒,所以都會諗有時水貨既野,你真係唔知佢個source 邊到黎,分分鐘貪平果一兩舊水入左強國貨咁就大獲。所以只好死死地去代理list 既鋪頭買行貨。

大家有興趣可以交流交流~ 想試既朋友記得上鋪前打電話去問… 因為有好多retailer 比代理除左名但個website 比我地更誇,十年唔update一次的。

佢唔止乾糧,仲有濕糧;佢唔止狗糧,仲有貓糧。

Ziwipeak HK – www.ziwipeak.hk

Priscilla & Ronald

The weather is getting crazy in Hong Kong these few years and is not really too suitable for outdoor shootings.

Priscilla & Ronald did their shooting in a cloudy & a bit rainy day. It feels even better and more comfortable than doing it in a very beautiful sunny day.

C l i e n t s
N e w s   a n d   P r o m o t i o n s
F a c e b o o k
L i n k s